Manylion Cystadleuaeth 2017

Dehonglir Treftadaeth yn y modd ehangaf

PeacePeace 

Gall gynnwys:

- pobl a’u hanes cymdeithasol, eu traddodiadau a’u hamgylchedd;

- ‘byd gwaith’: amaethyddiaeth, diwydiant, cyllid a masnach;

- gwyddoniaeth a thechnoleg

- crefydd, ynghyd â threftadaeth ddiwylliannol a chwaraeon Cymru.

I ymgeisio:

Naill ai cofrestrwch arlein (cliciwch yma i gael ffurflen ymgeisio)

Neu argraffwch y ffurflen ymgeisio (cliciwch yma i agor y ffurflen ymgeisio brint).

Amserlen

  • Cofrestru ceisiadau erbyn DYDD MAWRTH 31ain IONAWR 2017.
  • Rhaid i’r ceisiadau fod yn barod i’w beirniadu rhwng Mawrth 27ain i Ebrill 7fed ac Ebrill 24ain i Ebrill 27ain.
  • Cyflwynir y gwobrau ar ddydd Gwener 7fed Gorffennaf yn Theatr Halliwell, Prifysgol Cymru y Drindod Dewi Sant, Caerfyrddin.

Meini Prawf Dyfarnu

Caiff y prosiectau eu beirniedir y prosiectau yn yr ysgolion rhwng Mawrth 27ain i Ebrill 7fed ac Ebrill 24ain i Ebrill 27ain. Bydd un neu ddau feirniad, aelodau’r pwyllgor neu gynrychiolwyr y noddwyr yn ymweld â’ch ysgol ar amser cyfleus i bawb. Byddant yn gwerthfawrogi cyfle i siarad â’r disgyblion fu’n cymryd rhan yn y prosiect a gweld eu gwaith.

Caiff ceisiadau eu marcio allan o gant am yr elfennau canlynol:

Proses: gan gynnwys yn arbennig berthnasedd lleol a chyd-destun (10 marc)

Cynnydd: yn cynnwys ymwybyddiaeth gronolegol y disgyblion (10 marc), eu gwybodaeth hanesyddol (10 marc), eu dealltwriaeth o ddehongliadau a chynrychioliadau (10 marc) a’u sgiliau ymholi wrth ddefnyddio ffynonellau (10 marc) – cyfanswm 40 marc

Gwerthuso a chyflwyno gan gynnwys dealltwriaeth y disgyblion o’r prosiect (20 marc) a’r modd y maent wedi trefnu a chyfathrebu hyn wrth gyflwyno’r prosiect (20 marc) – cyfanswm 40 marc

Effaith y modd y mae’r prosiect wedi cael ei ledaenu a’r cyfraniad y mae wedi ei wneud tuag at ymwybyddiaeth o dreftadaeth (10 marc)

Crynodebau o rai ceisiadau arobryn

  • Mae'r canlynol yn grynodebau o geisiadau buddugol. Efallai y yn ddefnyddiol ar gyfer paratoi eich cais chi.
  • Ewch yn ôl i'r dudalen ddiwethaf.

  • Am wybodaeth bellach neu ymholiadau, cysyllter â:

    Clive Thomas
    6, St. Mary’s Close
    Merthyr Tudful CF47 8YS

    Rhif Ffôn: 01685 722905
    Ebost: info@whsi.org.uk

    Y Gystadleuaeth Flynyddol

    Bob blwyddyn mae Pwyllgor Menter Ysgolion y Dreftadaeth Gymreig yn gwahodd holl ysgolion Cymru i gystadlu ar brosiectau treftadaeth Cymru gyfan. Dehonglir y gair ‘treftadaeth’ yn y modd ehangaf, i gynnwys pobl a’u hanes cymdeithasol, crefydd, traddodiadau a diwylliant; byd gwaith, amaethyddiaeth, diwydiant, cyllid, masnach, gwyddoniaeth, technoleg, celfyddyd a chwaraeon.

    Gall y prosiectau hyn fod yn rhan o’r gwaith cwricwlwm-ganolog arferol yn amserlen yr ysgol, neu gallant adlewyrchu gwaith a wneir gan yr ysgol i goffáu digwyddiad, person neu adeilad lleol.

    Bydd y gwaith prosiect a wneir ar gyfer y gystadleuaeth hon yn ateb llawer o ofynion hanes y cwricwlwm Dyfodol Llwyddiannus newydd. Yn 2017 rhoddir pwyslais arbennig ar ddeilliannau digidol o ansawdd uchel a themau megis hanes menywod, Cymru a’r byd ehangach trwy deithio a thwristiaeth a hanes chwaraeon.

    Mae’r prosiectau hyn yn gofyn am ymchwil, casglu defnyddiau, dadansoddi ac gwerthuso, ynghyd â sgiliau cyfathrebu. Gellir eu cyflwyno trwy arddangosfeydd, perfformiadau, adferiadau a dulliau eraill sy’n cyfrannu at dreftadaeth, neu trwy gofnodion print neu ar ffurf electronig.

    Anogir ysgolion i gynnwys eu cymuned a phobl o wahanol genedlaethau yn eu prosiectau ac i rannu eu darganfyddiadau.

    Bydd beirniaid yn ymweld â phob ysgol fydd yn cystadlu er mwyn asesu’r prosiectau, gan ystyried y lefel briodol o safbwynt llythrennedd, rhifedd a sgiliau technoleg gwybodaeth

    Yn y Seremoni Wobrwyo gwobrwyir y prosiectau gorau ym mhob categori: babanod, cynradd, arbennig ac uwchradd. Cyflwynir y gwobrau gan noddwyr y gwobrau. Dyfernir Tariannau Menter Ysgolion y Dreftadaeth Gymreig (yn rhoddedig gan Amgueddfeydd ac Orielau Cymru) i’r ymgeiswyr cynradd ac uwchradd gorau’n gyffredinol. Cynhelir y seremoni mewn lleoliad gwahanol yng Nghymru bob blwyddyn.

    WHSILeaflet2017welshLawr lwytho taflen...

    I weld y daflen hyrwyddo gyfredol Cliciwch yma i Lawr lwytho fersiwn PDF o.g.y.dd.

    Enillwyr Gwobrau 2016

    Y Cyfnod Sylfaen
    YSGOL GYNRADD GYMUNEDOL MAERDY

    Ysgolion Cynradd ac Iau
    YSGOL GYNRADD GLYNHAFOD

    Y Categori Arbennig
    YSGOL ARBENNIG PORTFIELD

    Ysgolion Uwchradd
    YSGOL MAES Y DDERWEN

    Adroddiad Cryno Enillwyr 2016